Mayemmi?

Saàida :

Tezrit-i ttabeàt-iyi
Aha nnigh-ac jlem-iyi !
Jlem-iyi ûhdinu !

Xalid :

Sghed ghari a tanibut ! mechâl wussan raji a m-inigh
Man ghari deg ur-inu, zi rbal a cem-kksegh !
Ad rzugh abrid-inu ad zêregh mani gha telàegh.
Mayemmi ? Mayemmi?

Saàida :

Ghas innât tested deffiri aha nnigh-ac mayemmi ?
Mayemmi ? Mayemmi?
Yemma-nu d baba-nu sulen xsen a ssi ferhên ;
Txest-iyi ddu ghersen !
Txest-iyi tessent taddart ;
Txest-iyi ddu gher din !
Txest-iyi tessent tiddart.

Xalid :

Mac gha ggegh ad zêregh babam, tizemmar u ghari ca ?
Ixerq-ayi-d Rebbi da netcin acna yudan.
Ghari ur ittexsen d wudem ittexsen,
Mac a ggegh ? Min gha ggegh ?

Saàida :

Midden-nnegh u rêhmen ca seg awal.

Xalid :

Midden-a iruhên deg awar n yudan,
Urawen war a munen war idji may t gha isfaqen.
A nerzu mac gha nigg làec-nnegh ad gha nectin,
Ihênjaren d thênjirin d tarrawt isêrhên.
Ma nîdfar awar-nnsen àemmars a nenjem,
Teggit war teggit war idji wac gha irêhmen.

Saàida & Xalid :

Seg awar seg awar.