Igunsiwen n iman ad itekka ugrêd n umedyaz, g tmazirt n Imazighen, irkwes tinaniwin nnes d tekrura n umerdul, d imula n tasaft, d ufulki n imizar, d tikcucin n àari, d tadût n ideflan d tzegzut n igwelmamen d uzuzwu n ulma, zergen zun d imedla gh ufsaw n imizar d tniriwin. Igit agrêd iggudîn n umedyaz, negh tanana iggurzan n tmawayt, negh sul izlan gzzulnin itbbin s tamamt arekkaz n ihîdas, ur igi xs yan. Yan ughuyyi d ittyawkkasen i umezruy. Aghuyyi d ittyasayen gh wasa idran n tefriqt ufella tameghlult, imun d d tnaniwin n idinanen n Rwica, ad imel mas zzîdren imizar ad d àari, s tayri n tiwetmin ad d irgazen, i kraygat anaw n telkawt d urur f tesga.