Herd amssu / Kerdikitik

Ay amarg yaghagh umarg numarg
d umarg n umarg umarg
nudên ussan lid ur nufa
nafd ghar amagur
nufad tilluna munt, tilluna smmidênt
urrint awa s tghwmirt ar allant f uàlam
Isuyas fussin s tuga ssikin abrdak
tagdêrurt nettat ur d imik lâh srs idukan
matta gh ayad iguran azmz imnudâ fellagh
irmi wafud tawada
yagwi wanli ay iswingim
ikka kullu timizar
s ufus d uberdak d tallunt
mla sawaln ighwrman
mla sawaln isuyyas
mlaka sawaln inagan s mara mad zran
a yan ikcemn isuyas awal aygan aqqryan
taguri nttat zund tazzit, agmmay wa tittar
ighak irmi wafud
yan ddar ur illi wamud
mqqar tsilit lbarûd
ur ak sul sslkmn i yat

ghilli gh imil irkz uàlam ura asul issmghay
mqqar a fllas allan ignwan ighzran
mqqar a gis kkatn ngh a gis tthîn ikaliwn s izûran

a amarg... a amarg...

matta ghayad d iguran azmz imnudâ fllagh
manzakwn urawn sul tsllagh
id is yazûm ils awal
negh agwdal ay iga igha ismurig
ara afus kis kra f iman nk
bbi izakarn ghilli ikerf
trzêm isekraf lligh immutl
dîd mad illan f wul nk
herd amssu herd akal
a gwma ard ifaw uzal
ard a sawaln lamwadin
Kksat agh imik f tasa
ssakat anezgum i wakal
wac yant itghawaln yawit
adagh nkcem s ubaraz
hayagh nekcem s ubaraz
adawnt neqs a ttiyat
imma tili d giwnt nufi urk slkmnt i yat
an ssili tizza d iwaliwn
ar nkkat s wammagn wiyad
ar ntterkaz d uhiad
amr azawar n yan urtn righ ula art nesiggel

àemdan yan mmu tmman iwaliwn ilîh as ttiyat
mqqar yuki gh tuzzûmt n takat ar gis itterkaz
a ghassan yuf umarg ns làmmart ns

a amarg... a amarg...

asad lkwmmiyyat qdat i takat
wanna n ighman gh assad ur gitngh iga
hucatasn awa s ifassen ad ssn ma nga
ur nra ad neg wiyyâd ahiyyâd a nga
berdkat asn awa s udâr ad akwzn ma nga
ur nra ad ng wiyyâd amazigh a nga
ssussat awa ssussatst ad yissn ma nga
wanna ur issn mad nettini ur gitngh iga..

© 2002 Yuba