Ass nnad nduy

Ass lli nnigh gigh ; amazigh,
iggut mad inurzêmn d imawen,
illa mad innan trit takat
illa mad innan tgit tagat,
ufigh ikhef inu, ur iyi ihul :
igh agh talghen
negh agh taghen.

ar agh kessan imeknaden ;
gh willi d nusi nefk asen awal,
ar agh teknaden imeksawn ;
ar agh tgallan f mad ur skarn,
îdgam ; zenzan ayddar nnegh,
ghass ad ; rhenen aytma.
yan izenzan ayt mas !
mad mu rad sul ttinin gmas ?
ula babas ula innas ?
man udem ar ad skern ?
man atig ar ad ilin, ass lli rad nggawr ad neffern.
awal nnegh af rad nedder,
tarwa nnegh as rad ak aran ;
is sul ran ad dern, ula ran ad mutten,
ass nat nfel nder.
awal lli dar negh ;
ntan as meqqar nhûc,
ntan timlsit nnegh,
amarg lli dar negh,
ullah ur a ten felgh.
ara d iwaliwn nnek,
takat d uqqeryan nnek.
ula tikerkas nnek d mad mu kullu tssent !!
Ass nnad nduy...