Ur a taqlay gh tizi

A cwwr a bnadm tugit magh ak illa lxir
Inna t lktab n sidi xlil nkki numnt
Ur jjund zzrb ad ittmun lxir i yan
Nnan ur a taqlay gh tizi igh as ihâwl yan
Igh as ur gin lqadda nns icwwr fllas
Arffuc ka ittazzaln aflla wwaman
At ukan fln idêr d ddax s akal ar lghis
Lligh nssugt abjgi giwn a ncc akuray
Igh isuq yan kûz laswaq ar mraw
Ur jjun isuq f tmzîn yak lxir ayan
Ur sul agh ihul timimin ukan
Frcn izgarn tadût sun atay n ssuq
Umrgh asn alim agwint ula tilammin
Iga yyi zzman d tmghart lsigh amlhâf
Yiri gi lhâl ad rbbux sul ur ak urugh
Arraw n lhmm kra d inkrn s yuru wayy
alla yamt a tinrbbit kmm a mu ttarun
Wanna mu tmzzîy lblght imqqur udâr
Mqqar ur a isbidîr tammara agh llan
Wa ghwad ibbin gh tngult ilûh is akal
Gigh as lmiàad isêhân igh as nnix
Is ira isiggil abrzuzzu n tilli nit ilûh
Utin ussfan imadaghn wula taffiwin
Ar nttals I lhêsab aylligh nnix rsân
atin idrarn lûda gh Sus ay amallay
Asggwas n lmajaàa sskwila nit ayan ?
Ar isaqra walli jjun ur ittaran lhêrf
Ar immal timzgida I wallit ur issn.

Darlbîda, 1982