Tammnt n ujddig

Tmmnt n ujddig ngami km
Ur illa abla tin ighrrafn
Amadûn nflt ign lfrac
Icca gis yan udâd isêrf
Idda mars a iffagh a tizzwa
tassllt ur tid ikka ufus
Asafar daf nzug ufix t
Imudân wanna yudên immt
A taddart ix tid ikka ufus
Asafar n mit a gis ifl

A tammnt n ujddig ngammi km
A yuf angh a nsêbr giwnmt
Itmma uzzal dyîd llasn
Ur nxalêd a nkk igharasn
A tamunt n f Rbbi ggummigh kwent
kiwan d aynna gi k ikwsa

Tammnt ur a tssigut lhêrur
Myya usafar a gwinmt
Lhênna ur a issigut ifr
Aylli igan lqadda lant
Lqadî ur a issigut lhêruf
tirra nns ukan ad ittackan

Igh ukan ka awdda ay asmun thnna t
Tajjim ax ka ghikad ur righ dwa n yan
Gigh ifrig i taddart ad thnnagh
Imil igru d llan idwac zgrn as
Uram nsmîh a mmu lghrur a ddunit
ismdâl ka mi ttarun ghwid ddrnin
A tammnt daf jlix ghassa gh km ufigh
Iqqan aghd usafar lxyar d kmmin
A gim ncc yan udâd nmmt ngh ddrx.

Darlbîda, 1982