Lànbr

Iggulla lànbr s idînarn, a rrays
Ula tigumamin dagh ittili, ay ihwawiyn
Igh ur illi watay n buxatm, a rrays
Yilin gh lbrrad n wurgh, ay ihwawiyn
Tallubant nns lluban lhûrr, a rrays
Ur izrin gh umgrêd ula tmmls, ay ihwawiyn
Tili ttêbla tin zzabil isêfan, a rrays
Gin lakwas nns lbllar sul, a rrays
An ur izri lhêsab ns mraw, ay ihwawiyn

Afad ilmman a lànbr yan iran, a rrays
A t issa gh watay idûf lqyas
A gis ur yili zzrb iffi tn
Maghn ifl watay tujjut, matn yaghn?
Ar as sswagh iman irin iggiz !
Lànbr dat ittzyyan igh ihâdr
Wahli awa wahli ! ma yla d ccrûd
Ssngh ma tufit a lànbr tlit atig
Acku asila n lbhûr agh kid nsiggil
ig gis lghla bulànbr yuf nit, a rrays
At ak ur yissan zund nik, acku ay ihwawiyn
Ur nga atig nnsn gh ifassn, a rrays
Ad ak ka xtasrx tajmmaàt, a rrays
imma han kigan a gis nfl, ay ihwawiyn.

Imi n Titgar, 1988