Ibuda

G at lxir d iwuta ad izêli ma nmcarak
igh iga lxir ibuda ur a tfi waman
igh imun yan d trgwa a làin ira ak lkmn
yan iàcrn ljid igh t ira rat afin
yan iàcrn ttêba igh ur issn mln as

amdakkwl udêbib ur sar inna âh ay immi
yan iàcrn ljahl ra sul as ifaq
wana isigiln zzalt ur as ikki man

igh yad iga yan lfahim ar iffal awal
icqqa uzmz ad, mddn sfawnt ar aman
ar isawal bnadm s walln lâh awal

yan imyarn asn trêzzan irukutn gh ufus
ula ur sar ittnjam wana mi masan
yan imyarn iskkrâd ur sul at issihîl
mknna ran mddn gint ukan i wawal
igh ifrgh yan ighid nns icqa fllagh
d làib igh t issn bab nns ays nt ur nmmal