Aslm

imnàa uslm iàic gh lbr ula aman
ula ignwan, igaywarn ssutln as
kud yan d ina gh mdin hîyln lhîlat
mdin ays ighruba gh tillas n waman
ifêd n ccbayk mêhadant ukan imasn
mdin as tnt ila gis hâqan usafar

aslm ismami f Rbbi nns ar ukan allan
talli yasn igan lhul tallit isuhêln
aytmas wilid iàic wili as issutln
a gis igmrn azmz igh t ufan atn ccin

nk aslm f Rbbi rad ak nenna ya wawal :

ad ukan taddert, aflla mnàan
trwal i gwmak s tuzûmt asr nakwn ghwin
skr srs aflla ngr ccbayk mun at ak

ghmklli tga a kullu tga ddunit
ur ihna mani
kullu ma ixlq Rbbi gh iggi n wakal
ur ihna yan
imi nu ay imi rwlx aylligh rmix
ghili nra yaggug
immi nu ay immi hêrcx aylligh rmix
ar ntiksâd azmz