Alili war lxir

Yalatîf ghmkad iga ulili war lxir
Isggwasn a yka dar waman ur immim

Idl yighd asafu dln waman islman
Idl yills lmhêbba ula kyyi a laman
Ayyid ur tawit adû n wannagh ur irin
Ad ak ur tnnit njmgh srs ay asyyâd
Da ttaylal tfld ifrawn gh ufus nk
Tad irêzan d tad irmin a mi kwen righ
imma tad gh illa wadif yusit udâr nns

A taggunt lhmm iggutn a kwent ittasin
Imma ya ixuynn idârn af asn ttârnt
Tndêr targwa tiddi tra a trwus ifis
Iz d is ak issiwid ufran ay adûhân
lbaz ar t issiwid lxla ntta agh ilul
Ukan ark issiwid Ishâq ay amuslm

Ibrkak, 1981