i iman n Moulay Abdelkbir Chouhad Tinml n umarg, tinml n tudrt Mulay Àbdlkbir asafagh n umarg Yiwi agh k ukrraf, akal igra irg Kyyin ad igan amdya n tlelli Ghilad illigh tddit zund igh sul ur tllit Yiwi id uzêtta tughmist n wufûd nnk Yakwi id umttâ, nkwti d tudrt nnk Amaraw n wamun, tawgit n inmghurn îdgam d trabbut, ghassad dar iqqburn Nggammi akk nttu Illigh tzzêlt gh ulktu Yili ghinn ghar Rbbi Ntta ara ikf ngh ibbi Ur ak nri agzâz ula tandra Ula anu wad illasn ula idra Nra ak asurf n wakuc amallay D ubrid yusswan ur issar agllay Tgit izm n uzawan amazigh Igh ak nssfld ur jjun mrrgh ula zîgh Tanzêzt nnun ur tt yumi usayrur Igh tt ikka gar gh mddn ar ittrur Mulay Àbdlkbir asaghul n wawal Gh usiggl n tguriwin kyyi ad igan amawal Tssut izlan s izûran n tasa nnk Imrign nnk imurig, azrkki asnti nnk Afrkay tgi tn, udm nnun azurf Ngann tifassin s wakuc ad isurf, i yan urgaz, bab n irgazn, bab n umarg Mulay Àbdlkbir, tinml n tudrt, tin umarg yan ufcad i urcac, d twja nns d ayt dars D twja tanazûrt, nga win Rbbi nurri dars Imarayn nnun ngatn gh tudrt nnk Rad gisn nghama ula gh ukraf nnk Par Limam Bencharif (France)