Tin Ukerray

Ddan ayt lhawa d rrchuqq, kcmen akal
Lbacat d lqiyyud attn ukan ittawin
Ur jju sghin x lmdint imik n wakal
Aghar ayt lhawa d rrcuqq att issihêln
Ay azemz ad d mmaggarx nekki, ya latîf !
Ittut lhemm n tmzîn (lkisan) n watay
Irin lêcum n lmdêrst alkunnac yyan
Is nn ur felgh igh a tkemmal lkasît
Ix nn isdûqr bu ûww xellês agh iffugh
Imikk, ar dagh itterzzâ ukerray ifelwan
Manik rad ur ig lxeq, igh a ur ttakurn
Igh akkw ixdem, yawid telt-myya d ryal
Attent icc, nghdd a ggisnt issels arraw
Imma bàda tamazirt, ur agh inni yan :
"Ara lflus n bu-dûww ula wi n waman"

D’après Youssef (recueilli par A. Lakhsassi)