Tin tmzîn

Ida àla sslam inw, d àla sslam nnun
Ahh a lemskin ! Rebbi aggiwn ukan ihênnan
Igh isuwqq ghar lhêrb, mskin, âh a ttilin
Tiri gis talli lan aggurn, tiri timlsit
Nttan, ur darsn mad asn yakkan ryal

Igh akkw iskr tamendayt, urtt iri yan
Ula yan dar aghâd lxla ka agh at iffal
Tlkem làbert n tmzin 500 d ryal
Alim, inza s lmizan ghiklli watay
Attârru n waman, idda ilkm 800 d ryal
Isêmmêrtt fllâh Rebbi, nsêmmêrtt nkwni nit
Ddunit tgen ka, zund igh gisent illa wattân
Ghar irgel-tnt rbbi, (slâhn) tasarut
Yan ifhêmn, ad teldim maxtt-inn isers

Ur ukan dâgh, a sidi ! skern iklli ran
Amr yan dar, a sidi ! kra warraw mqqurn
A yaznt s Lxarij, ar fllas ittnfaq
Babas, ghar ann issagh ifiss
Ukan îzzl i ttbla adâr, matt akkw issihêln
Mqqar akk gant tmzîn 500 d ryal
Ad ukan sghin ttenbr, sghin-nn lkaghît
Yara tabratt ginen gis xemsin n wawal
Yan ishân, kkûz n tkerkas ngh mraw
Innays : "a iwi ! han ibbwak tammara telkemt
Ar nssagh ikccûdn, sghîgh-nn ula alim
A illid kullu tuzenm, yiwiten walim
Nkki, ttam n wussan adax ur ikki watay"
Ukan ard issifîd ufrux amr laluf
 
D’après Youssef (recueilli par A. Lakhsassi)