|
Rzêmgh
d i wulli nu
Rzêmgh d i
wulli nu s lûda gh ujeddig
Ar igh telkemt a luqt
ira tent nesûg
Mqqar tent ksigh ar
disent nettlàab
Ur aysent nekki qersgh
ur a tent nzzenz
Han ur gigh nekkin
amsagh ula akessab
Lijart inu ka as nexdem
zun d làibad
Tanna ukan iwigh ar
tigemmi tafûd
Rebbi làalamin,
a tend akkw ur ikrêd
Wanna iran kra ddun
sisen yawi tid
Ur nkkes i lghecim
an ka yakwi gh iferg
Imma akwefay d tadût
daf illa hâraj
Icca ten ukessab d
is dagh ira wayyâd
Ixelq d Rebbi tagant
ixelq ajeddig
Ixelq d ukkan uccen
d wulli sêrfen tid
Tanna iflêden
yakwin fellas ighwi tend
Nekki yat lli tâfx
neg asent lgid
Nkerf tent gh tagust
azal ula yyîd
Ar asd i ttawigh rrebià
nsers asen tend
Làelf ula aman
ur gis ukan nfferêd
Walayni tanna ur
ihdi Rebbi turri d
Mqqar ten tergelt s
lbab n lêhdid
Myya bla keyyi gan
tisura gh ljib
A zun d nekki wanna
f ka nezri ghilad
Ighn nezwur i wulli
gh Sus ula gh Lgherb
Nghal d is iwigh lfdêl
gigh akessab
Is awkan nekkat idraren
d usemmîd
Ur angh isâhâ
ghar tammara d làib
Tanna gh tella tadunt
ira tent lghrêd
ar aysent ukan ittsutul
usebbab
ur asent ikkis lghla
ajenwiy yujad
mqqar tent nttemnid
igh tent ukan isûg
aderx i wallen zun
d igh nega abukâd
Mac ur ligh làib
abla ass nnad ibidd
inna àla rebbi
righ yat a tent nêhuz
ldind làerbun
ifek iyyit nghwi tend
mqqar rad ccagh izêran
ccagh iferg
ura nnàic bla
s lxdemt llif nàerg
mra sa zzenzagh nessgh
ukan i wiyyâd
tanna sghigh lbilla
d tgemmi d lgaraj
ur ak ra nsher gh leqhawi
d usarag
nessum gisen tafukt
nessum asemmîd
wanna ur iqenàan
iblis ira a ten ikend
igh izêra leflus
izdâr ad akw izzenz
talli ikerf gh tagust
ig asent atig
ira an sers awin imsaghen
krefen ttid
Han ur dis ugigh ad
gmmergh izenkwâd
isagh termit a ssâht
nnegh ula afud
ula sslâh llis
awkan nqqers i ssîd
nssers ten nsers ula
lmus ad akw ntub
ur agh sul nqers i
ufullus ula aghâd
ufigh d izenkwâd
izêma tend usêyyâd
munnend d kullu gh
iggi làin afagh azemz
mac ur dari mas a ten
ukan nssiwid
ghar izêri nu
as tenukan nettmnid
Walayni a leghcim
akwen ukan ur nkkend
walli yegan lbaz iqder
kullu gh lhêrb
han igh yad immut a
felan ar issiwid
ur a ttemunat a leàfiyt
d lbarûd
ur a ttmuna tili d
uccen gh usarag
agh iblu rebbi s lqbelt
n Muhêmmad
ijud fellagh a namêz
agharas ntub
imma imurig ad is gis
rmigh nqnêd
ut agh tammara gisen
awigh ghar làib
usin ifellâhen
ssâbt awigh anekkid
Lqima n teclhîyt
idêr gh imurig
ghar iska nsêbr
lligh yad nega ghemkad
lqima willi dar tella
gh imurig
Farid, d Keltum nettat
d àabdelwahhab
Yak a àbdel
hâlim meskin a hêra yafûd
A kulci lexbar nnes
is kkan lgherb
A kraygat lgens ar
t addren i wiyyâd
A radyu netta ka as
sul ittextâb
Yili gh lidaàa
ttalfaza îd ar îd
Yili kra ra ttin gin
azal ar îd
A kraygat lgens ar
t addren i wiyyâd
Mra is nmmut nekkin
mara nessiwid
A zund amuc igh ittwafa
gh umedduz
Lhâj Belàid
iga ccaf kullu n imurig
Mra ukan isul a felan
ar azemz ad
Ullah ar d iggummi
ghar mas ssaghen ttid
Kuyan d meknna gisen
ittini d làib
Ak ifsi rebbi gh uskerf
ay imurig
Imma tgit igigil, gix
nekki wayyâd
Igh ar tsellan i
Lmehdi nnan as ismeg
Igh ar tsellan i wahruc
ar ittemjad
A kryagat amazigh nnan
as izêlêd
Igh a tsellan i Wactuk
Sàid ibidd
Nnan asen han illa
gis cciki d lghrêd
Igh a tesllan i jamà
ukan Lhâmidi
Nnan as ghar rrîh
ay s yakkan ukan imurig
Igh a tesllan i Bunsîr
ighwi rribab
Nnan asen ur ittâf
leksut ula amgrêd
Ay ak Bihti llann gh
ammas n Bariz
Ur akw ghid ihâder
gin as akw làib
Ak ifsi rebbi gh uskerf
ay imurig
Imma lhimma lli giwen
illan ittêrza d
Keyyin d rribab ikkes
awent làud
Ix akkw tnnit
uhu, tzêrt akkw agellid
Mn wahd-usttin, att
ukan ntemjjad
Ur jjun illi magh isghan
aghar lbcklîti
Akk afgh a rbbi lli
ihênnan ig ljid
Illigh d ittrêza
usêkay issent lbaz
Walli nsêrf s
taddart asent ig iferg
Ad agh gis issukin
takat ar nhhêrg
Icca kra tamment
icc wayyâd aferzîz
Igen kra f lmelf ihêdu
serk a wayyâd
Issu kra tagertilt
idel s ufresâd
Illa kra ar iqqers
i izimer zun d làid
Ur ad sun atay ar kigh
d itters lluz
Tili twayya mad issenwan
tawi tid
Yili kra netta ghar
xizzu ka agh iferd
Igh iswa azekkif ittyaqen
s lwâhid
A lmeskin, att
iàawn Rebbi gh uzemz ad
Ghar lghla lli kad
iggwran ar issiwid
Iga uzâlim làenbr
ififl ddahab
Id isn kullu lâh
icelhîyen gh Lgherb
Ayelligh d akw neffugh
ayda nnegh i wiyyâd
A hâsbat irumiyen
a ghwid d lyahud
A yak nutti ten llan
fellatengh atig
A ttalfaza llan agh
gisent îd ar îd
Imma cclûh ayyur
n wadân negh kkûz.
|