Yan sin krād, init asn ayyuz
Awal nnex a t nekrez darnex a t ur nezzenz
Ikcem d mayyu tafugla n twuri a yellan
Yan tt ur ilin izri s ismummuyen n igenwan
Ix ur nnin ma d ran, mamu ran yan innan
Tilelli tga n afus irin ad as t bbin
Uten krād idūdan anezgum ad usin
I tmazight ad ilint ku yan a tent annin
Bidden sin s igenwan x ufus n kra yellan
Meqqar ax ur tannim ulawen nnex darun
Nnan arraw n tmazirt tiwetmin d iwetman
Yan iran tamazight tirra nnes a tent issan
Awal nnex i teghri ad ur neg isemgan
Ix ur telli tayri x ulawen mamu gan
Ix a ur nesskar igrawen nefk awal i ku yan
Ur sar iffagh umya meqqar nnan inin
Tisekwfal n izdar a sernex ukan iqqelen
Izwar d waggu i tmźzla āh ! A xtan iggwran
Ix ur iddi unuhźyu s urwas ira ad jedren
Iga fellax bezziz a neg atig i ufgran
Ix ur negi ma nega, terzāgt ax ay ggwran
Yan sin krād, init asen ayyuz
Awal nnex a t nekrez darnex a t ur nezzenz